Sot, në praninë e shumë qytetarëve, shoqërisë civile, kryetarëve të këshillave të fshatrave dhe lagjeve urbane, si dhe palëve të tjera të interesuara, u mbajt takimi i dytë publik për punën njëvjeçare të qeverisjes komunale, ku u prezantuan:
Raporti i punës për vitin 2025;
Plani i punës për vitin 2026;
Lista e aktiviteteve të realizuara gjatë këtij viti;
Raportet e aktiviteteve thelbësore të secilës drejtori veç e veç dhe ecurinë e angazhimeve, të investimeve, të sukseseve dhe të ngecjeve;
Sfidat, detyrimet dhe përgjegjësitë për vitin 2025.
Kryetari Latifi, theksoi se Komuna e Rahovecit ka shpenzuar buxhetin me efikasitet maksimal, duke arritur deri më tani një shpenzim të përgjithshëm prej 97.74% të buxhetit total, ndërsa në investime kapitale kemi realizuar 99.87%. Në inkasimin e të hyrave kemi tejkaluar planin, duke arritur një shifër rekorde prej 2,081,502.99 €, si dhe të hyrat e jashtëzakonshme në shumën prej 306,226.64 €, ku gjithsej të hyrat janë realizuar në vlerën prej 2,387,729.63 €.
Po ashtu, theksoi se gjatë këtij viti kemi shënuar suksese të shumta, duke u ranguar lart në vlerësimet dhe matjet e realizuara nga institucione kredibile dhe mekanizma të pavarur monitorues, çka dëshmon për punën e mirë, për transparencën dhe për përgjegjshmërinë e qeverisjes komunale.
Në fund të takimit, qytetarët patën mundësinë të parashtrojnë pyetje, të shprehin shqetësime, kërkesa dhe përgëzime për punën e ekzekutivit gjatë vitit 2025. Të gjitha pyetjet dhe komentet morën përgjigje konkrete.
Për më shumë detaje, ju ftoj të shihni raportin e plotë të punës vjetore: https://tinyurl.com/35t4prds
